குறிப்புக்கள் - (Notes)
வேறுபாடுகள் - (Pathanthara)
சில புத்தகங்களில் சரணங்கள் வரிசை மாற்றி கொடுக்கப்பட்டுள்ளன.

மேற்கோள்கள்
¹ - தாரா - தாரை - வாலியின் மனைவி.

² - மகர - முதலை - கஜேந்திரனை முதலையின் பிடியிலிருந்து அரி விடுவித்தல் - இதனை சங்கு அரக்கனென்றும் கொள்ளலாம். 'பாஞ்சஜன' என்ற சங்கு அரக்கனை கண்ணன் வதைத்த கதை. பாகவத புராணம், 10-வது புத்தகம், 45-வது அத்தியாயம் மற்றும் விஷ்ணு புராணம், 5-வது புத்தகம், 21-வது அத்தியாயம் நோக்கவும்.

³ - மகராக்ஷ - மகராட்சன் - தண்டகாரண்யத்தில், இராமனால் கொல்லப்பட்ட 'கரன்' என்ற அரக்கனின் மகன் - இவன் இலங்கைப் போரில் இராமனால் கொல்லப்பட்டான்.
Top

⁴ - ஸ₁ரதி₄ மத₃ ஹரண - இலங்கைக்கு செல்ல, கடலின் மீது வாராவதி அமைக்க எண்ணி, இராமன், கடலரசனை வேண்டினான். ஆனால், கடலரசன் கவனியாது இருந்ததனால், சினமுற்று, இராமன், கடலரசன் மீது, பிரமாத்திரத்தினை ஏவினான். உடனே, கடலரசன் புகலடைந்து, வாராவதி கட்ட உதவினான்.

⁵ - ஜய விஜய - ஜய, விஜயர்கள் - வைகுண்டத்தின் காவற்காரர்கள். இவர்கள் சனகாதியரால் சபிக்கப்பட்டு, தானவர்களாகப் பிறக்க நேர்ந்தது - இரண்யாட்சன் - இரணியகசிபு, இராவணன் - கும்பகர்ணன் மற்றும் கம்ஸன் - சிசுபாலன் என. அவர்கள் யாவரையும், விஷ்ணு சாபத்தினின்றும் விடுவிப்பதெற்கென்றே அவதரித்தார்.

⁷ - அக₃ ராஜ த₄ர - மலையரசன் - மந்தர மலை. பாற்கடலினின்று, அமிழ்து பெறவேண்டி, மந்தரமலையை மத்தாக்கி, தேவர்களும், தானவர்களும் கடைந்தனர். அப்போது, மந்தர மலை கடலில் மூழ்க, விஷ்ணு, ஆமையாக அவதரித்து, மந்தர மலையைச் சுமந்தார்.
Top

விளக்கம்
⁶ - ரவிஜ யம லாலித நாம - சுக்கிரீவன் மற்றும் யமன் இருவருமே சூரியனின் புதல்வர்கள். தியாகராஜர், தன்னுடை கீர்த்தனைகளில், 'ரவிஜ' என்ற சொல்லினை சுக்கிரீவனைக் குறிக்க பயன்படுத்துகின்றார். அதனால் இதனை 'சுக்கிரீவன்' மற்றும் 'நமன்' என்றோ அல்லது 'சூரியன்மகன் நமன்' என்றோ கொள்ளலாம்.

தாராதிபன் - மதி
Top